დაბრუნების პოლიტიკა
„მომხმარებლის უფლებების დაცვის შესახებ“ საქართველოს კანონის მე-13 მუხლის შესაბამისად, მომხმარებელს უფლება აქვს, ყოველგვარი მიზეზის მითითების გარეშე, უარი თქვას დისტანციურად გაფორმებულ ხელშეკრულებაზე და დააბრუნოს შეძენილი საქონელი მისი მიღებიდან 14 კალენდარული დღის განმავლობაში.
საქონლის დაბრუნების პირობები
საქონლის დაბრუნების შემთხვევაში მომხმარებელი ვალდებულია:
- დაბრუნების მოთხოვნის დაფიქსირების შემდეგ, საქონელი დააბრუნოს დაუყოვნებლივ, თუმცა არაუგვიანეს 7 კალენდარული დღისა;
- თავად დაფაროს საქონლის დაბრუნებასთან დაკავშირებული პირდაპირი (უშუალო) ხარჯები;
- ნივთი მიიტანოს შემდეგ მისამართზე: ქ. თბილისი, პეკინის ქუჩა 34.
როდესაც დაბრუნების ხარჯს www.hubs.ge ფარავს
თუ მიღებული საქონელი:
- არ შეესაბამება პლატფორმაზე მითითებულ აღწერას;
- გააჩნია საწარმოო/თავდაპირველი ნაკლი;
- დაზიანებულია,
საქონლის უკან დაბრუნებას საკუთარი რესურსით უზრუნველყოფს Hubs.ge.
დასაბრუნებელი საქონლის მდგომარეობა
დაბრუნებისას პროდუქტს უნდა ახლდეს:
- შეძენისას გადაცემული ყველა თანმხლები ნაწილი და აქსესუარი;
- საგარანტიო ბარათი (ასეთის არსებობის შემთხვევაში);
- ტექნიკური პასპორტი და სხვა თანმხლები დოკუმენტები (ასეთის არსებობის შემთხვევაში);
- დაუზიანებელი შეფუთვა (შეფუთვის გახსნა არ ითვლება დაზიანებად, თუმცა შეფუთვა არ უნდა იყოს ფიზიკურად დაზიანებული ისე, რომ მისი პირვანდელი მდგომარეობის აღდგენა შეუძლებელი იყოს).
თანხის დაბრუნება
www.hubs.ge ვალდებულია, დაბრუნების მოთხოვნის მიღებიდან 14 კალენდარული დღის განმავლობაში მომხმარებელს დაუბრუნოს გადახდილი თანხა.
კომპანიას უფლება აქვს, თანხის დაბრუნება გადადოს მანამ, სანამ საქონელს ფაქტობრივად არ დაიბრუნებს.
თანხა ბრუნდება იმავე გადახდის საშუალებით, რომლითაც განხორციელდა შესყიდვა, თუ მომხმარებელი არ აირჩევს სხვა მეთოდს.
საქონლის დაბრუნების შემთხვევაში ავტომატურად წყდება მასთან დაკავშირებული ხელშეკრულებაც და მხარეები უბრუნდებიან პირვანდელ მდგომარეობას.
შემთხვევები, როდესაც დაბრუნება შეუძლებელია
მომხმარებელს არ აქვს უფლება, ყოველგვარი საფუძვლის გარეშე დააბრუნოს პროდუქტი, თუ:
- პროდუქტი დამზადებულია ან მორგებულია მომხმარებლის ინდივიდუალური შეკვეთით;
- დაზიანებულია შეფუთვა (ყუთი, პარკი, ლუქი და სხვა) ისე, რომ მისი პირვანდელი მდგომარეობის აღდგენა შეუძლებელია (შეფუთვის გახსნა არ ითვლება დაზიანებად);
- პროდუქტის ღირებულება 30 ლარს არ აღემატება;
- პროდუქტს არ ახლავს შეძენისას გადაცემული აუცილებელი ნაწილები, აქსესუარები ან დოკუმენტები.
ზომის შეცვლა
მარაგის არსებობის შემთხვევაში, შეძენილი პროდუქტის ზომის შეცვლა შესაძლებელია შესყიდვის განხორციელებიდან 14 კალენდარული დღის ვადაში. პროდუქტის მარაგში არ არსებობის შემთხვევაში, მომხმარებელი უფლებამოსილია პროდუქტი 14 კალენდარული დღის ვადაში გადაცვალოს იგივე ღირებულების სხვა ნივთში.
მოთხოვნის დაფიქსირება
დაბრუნების ან ზომის შეცვლის მოთხოვნის დასაფიქსირებლად, გთხოვთ, მოგვწეროთ ელექტრონულ მისამართზე: contact@hubs.ge